IOT E KONSUMATORIT - APLIKACIONI VODAFONE SMART

APLIKACIONI VODAFONE SMART / KUSHTET DHE AFATET E PËRDORUESIT FUNDOR

Kushtet dhe termat tona

Mirësevini në aplikacionin Vodafone Smart (i njohur gjithashtu si V nga Vodafone App) (“Aplikacioni”), i ofruar nga Vodafone Sales and Services Limited, i regjistruar në Angli dhe Uells në Vodafone House, The Connection, Newbury, Berkshire, RG14 2FN, me nr. Regjistri tregtar 06844137 (“Ne”).

Ne ju japim një licencë jo-ekskluzive, të patransferueshme për të shkarkuar dhe përdorur aplikacionin në një pajisje që ju zotëroni ose kontrolloni, vetëm për përdorim personal / jo-tregtar.

Ju lutemi vini re se përveç këtyre kushteve (të cilat aplikohen për përdorimin tuaj të aplikacionit), terma dhe kushte të veçanta të tjera mund të zbatohen për çdo shërbim dhe pajisje që ju kontrolloni përmes aplikacionit.

Aplikacioni mund të përdoret:

1. për të aktivizuar dhe menaxhuar planet Vodafone Smart në lidhje me disa pajisje Vodafone Smart dhe kartat SIM të Vodafone Smart për funksionalitetin e shërbimit; dhe
2. për t’u lidhur dhe për të menaxhuar veçoritë dhe shërbimet e lidhura me pajisjet e specifikuara Vodafone Smart (të blera veçmas).

 

Ju mundeni gjithashtu të pajtoheni dhe të kontraktoni shërbime të tjera shtesë që kanë lidhje me pajisjet tuaja të lidhura nëpërmjet aplikacionit. Për këto pajtime mund të zbatohen tarifa ekstra, por këto do t’ju bëhen të qarta në pikën e blerjes.

Përveç kostos së pajtimeve, mund të ketë tarifa të dhënash për shkarkimin dhe përdorimin e aplikacionit në Republikën e Shqipërisë. Nëse aksesoni aplikacionin jashtë territorit të Shqipërisë, mund të aplikohen tarifa për transferimin e të dhënave (data) të njëjta me tarifat standarde të të dhënave të zbatueshme për tarifën tuaj celulare për roaming.

Ju do t’ju duhet të kontrolloni nëse aplikacioni është i pajtueshëm me pajisjen tuaj përpara se ta shkarkoni. Për të përdorur plotësisht aplikacionin, do t’ju duhet të lidheni nëpërmjet funksionaliteteve të Vodafone Smart (e njohur edhe si V-Sim) osë të një pajisjeje tjetër fundore që ofron të njëjtat funksionaliteteve. Këto do të shiten vecmas. 

Ju nuk mund të kopjoni, shpërndani, zbërtheni, riprodhoni me inxhinieri të anasjelltë, dekompiloni ose përndryshe çmontoni aplikacionin ose të përdorni ndonjë nga elementët përbërës të tij në asnjë mënyrë, përveç siç lejohet nga ligji në fuqi.

Ju do t’ju duhet të kontrolloni nëse aplikacioni është i pajtueshëm me pajisjen tuaj përpara se ta shkarkoni. Për të përdorur plotësisht aplikacionin, do t’ju duhet të lidheni nëpërmjet funksionaliteteve të Vodafone Smart (e njohur edhe si V-Sim) osë të një pajisjeje tjetër fundore që ofron të njëjtat funksionaliteteve. Këto do të shiten vecmas. 

 

Në masën më të plotë të lejuar nga ligji në fuqi, aplikacioni ju ofrohet “siç është”, pa mbështetje ose mirëmbajtje. As ne dhe as licensuesit tanë nuk garantojmë që aplikacioni do të plotësojë kërkesat tuaja ose që funksionimi i aplikacionit do të jetë i pandërprerë ose pa gabime. Deri në masën e lejuar nga ligji, ne dhe licencuesit tanë mohojmë dhe përjashtojmë të gjitha garancitë, përfaqësimet, kushtet dhe termat e tjera të çdo lloji, të shprehura ose të nënkuptuara dhe nëse rrjedhin nga statuti, ligji i zakonshëm ose tjetër. Në çdo rast, përgjegjësia jonë maksimale dhe zgjidhja e vetme ndaj jush është rimbursimi i çmimit të aplikacionit (nëse ka) në momentin e blerjes tuaj. Kjo klauzolë nuk prek të drejtat tuaja ligjore si konsumator.

Në rastet kur aplikacioni mund të përdoret për të kontrolluar disa veçori ose shërbime të pajisjes që lidhen me pajisjet Vodafone Smart, ne do t’ju informojmë se cilat janë këto veçori ose shërbime. Pajisja Vodafone Smart mund të promovohet sikur ka funksione ose shërbime shtesë që aplikacioni nuk është në gjendje t’i kontrollojë ose menaxhojë dhe të cilat kërkojnë përdorimin e një aplikacioni të palës së tretë. Do t’ju duhet të kontrolloni nëse po përdorni aplikacionet e duhura për të kryer funksionet përkatëse në pajisjen(t) tuaj(a) Vodafone Smart.

Nëse jeni pajtimtar  i Vodafone, aplikacioni do të identifikojë automatikisht detajet e llogarisë tuaj dhe do të lidhë aplikacionin e instaluar në pajisjen tuaj me llogarinë tuaj Vodafone.

Nëse nuk jeni aktualisht pajtimtar i Vodafone, do t’ju kërkohet të regjistroni disa detaje, duke përfshirë numrin tuaj të celularit dhe adresën tuaj të emailit, në mënyrë që të përdorni aplikacionin dhe çdo shërbim të lidhur me të.

Ne do të mbledhim informacion për t’ju ofruar Shërbimet nëpërmjet Aplikacionit. Ne do të mbledhim, përdorim, ruajmë ose ndajmë informacionin tuaj në përputhje me suplementin tonë të Politikës së Privatësisë së aplikacionit dhe Politikën e Privatësisë së Vodafone.

Këto Kushte do të drejtohen dhe interpretohen në përputhje me legjislacionin anglez dhe të dyja palët, ne dhe ju, biem dakord për juridiksionin joekskluziv të gjykatave angleze.

Na kontaktoni

[Online: kliko ketu contact us

 Nga jashtë: +44 7836 191 191 (tarifa standarfe do të aplikohen)

Vodafone Limited, Vodafone House, The Connection, Newbury, Berkshire RG14 2FN. 

 

 

Smart Tracker (Produkt ID VST001) – Kushtet dhe Afatet e përdorimit 

“Your Smart Tracke”r është pjesë e një shërbimi pajtimi i cili – përmes kombinimit të një pajisjeje gjurmimi, një aplikacioni celular dhe lidhjes me rrjetin e Vodafone Albania – ju mban në kontakt me sendet tuaja të preferuara. Këto Kushte dhe Afate zbatohen për aq kohë sa Smart Tracker-i kontrollet ose menaxhohet përmes aplikacionit tonë Vodafone Smart (i njohur edhe si aplikacioni celular V by Vodafone) (“Aplikacioni”). Më shumë detaje të shërbimeve specifike të disponueshme kur përdorni Smart Tracker përcaktohen në paragrafin 3 më poshtë (“Shërbimet”).

Smart Tracker-i juaj ju ofrohet nga [Vodafone Albania] Sh. A. (“Ne”, “ynë” ose “neve”) në përputhje me këto Kushte dhe Terma (“Marrëveshja”).

Në këtë marrëveshje, “ju” është (sipas rastit):

1. personi që paguan tarifën mujore të pajtimit për Shërbimet, për konfigurimin e Smart Tracker-it dhe çiftimin me Aplikacionin (“Administratori”); dhe/ose
2. një person që komunikon me Smart Tracker-in nëpërmjet aplikacionit (“Kontakti(et)”),

ose personi i cili ka në zotërim fizik pajisjen Smart Tracker (“Përdoruesi”). Nëse nuk jeni Përdoruesi, Administratori është përgjegjës për të siguruar që Përdoruesi i kupton këto kushte dhe përdor Smart Tracker-in në përputhje me këto kushte.

Referojinu paragrafit 6 më poshtë  (Administratorët & Kontaktet) për më shumë informacion në lidhje me Kontaktet.

1.1 Për të përdorur Smart Tracker-it duhet të:

a. blini Smart Tracker-in, i cili është i disponueshëm në pikat e shitjes Vodafone Albania dhe online në internet në adresën www.vodafone.al

b. shkarkoni Aplikacionin në pajisjen tuaj celulare, hyni me llogarinë tuaj Vodafone ose kryeni regjistrimin fillestar;

c. lidhni Smart Tracker-in tuaj me rrjetin duke ndjekur udhëzimet e përcaktuara në Aplikacion;

d. blini/aktivizoni/nënshkruani kontratën përkatës  për shërbimin Smart Tracker (“Kontrata” nëpërmjet aplikacionit dhe/ose në dyqan; dhe

e. përfundoni aktivizimin dhe personalizimin e plotë të Smart Tracker-it tuaj nëpërmjet aplikacionit.

Ju lutemi vini re, për t’u siguruar që mund të përdorni të gjitha veçoritë dhe Shërbimet, do t’ju duhet t’i jepni aplikacionit disa leje në pajisjen tuaj celulare.

1. Ju lutemi vini re se përveç kësaj marrëveshjeje dhe Politikës së Privatësisë së Vodafone, terma dhe kushte të veçanta zbatohen për Vodafone Smart Sim (i njohur gjithashtu si V-Sim nga Vodafone) (“Smart Sim”), i cili përdoret nga Smart Tracker-i, nga aplikacioni juaj dhe mund të zbatohet gjithashtu për metodën tuaj të zgjedhur të faturimit.
2. Blerja dhe përdorimi i Smart Tracker-it mund t’i nënshtrohet kushteve të veçanta nga shitësi juaj dhe kushteve harduerike të përfshira me Smart Tracker - për shembull, në lidhje me garancitë e harduerit dhe politikat e kthimit.

1. Kontrata juaj
   1. Ju duhet të keni një Kontratë të vlefshme për të përdorur Smart Tracker-in. Kontratat i nënshtrohen termave dhe kushteve të Smart Sim, të lexueshme dhe të shkarkueshme në www.vodafone.al. Shërbimi d të aktivizohetnëpërmjet aplikacionit dhe do të fillojnë kur të keni lidhur Smart Tracker-in me aplikacionin, të keni zgjedhur planin tuaj dhe të keni dhënë detaje të vlefshme pagese.
   2. Të gjitha tarifat në lidhje me pajtimin tuaj do t’ju shfaqen në Aplikacion gjatë aktivizimit të Pajtimit dhe do t’i nënshtrohen pranimit nga ana juaj të termave dhe kushteve të Smart Sim-it. Të gjitha të drejtat e tjera që lidhen me Kontratën, duke përfshirë mënyrat e pagesës, shpeshtësinë e pagesës, kushtet specifike për klientët ekzistues dhe/ose jo-Vodafone, dhe të drejtat tuaja zgjidhjen e saj, janë të përcaktuara në termat dhe kushtet e Smart Sim-it.
   3. Ju mund të lidhni deri në njëzet (20) Smart Trackers me të njëjtën llogari në Aplikacion, por do të mund të shikoni vetëm një (1) Smart Tracker në një kohë të caktuar. Çdo Smart Tracker do të kërkojë një pajtim të veçantë.
2. Shërbimet e Smart Tracker-it (“Shërbimet”)

Ju lutemi vini re se Shërbimet e disponueshme për ju dhe çdo Kontakt do të jenë ato të reklamuara në pikën ku keni blerë blini Smart Tracker-in dhe/ose ato që do të komunikohen si funksione të reja, të aksesueshme pasi të keni blerë Smart Tracker-in. Ky seksion mund të përfshijë informacione për shërbimet që nuk janë ende të disponueshme, por mund të bëhen të disponueshme në një datë të mëvonshme. Ne nuk jemi të detyruar të lançojmë asnjë nga shërbimet e listuara më poshtë që nuk kanë qenë të reklamuara dhe nuk janë reklamuar si Shërbime.

 

 

1. Vendndodhja: Ju do të mund të shihni vendndodhjen e Smart Tracker-it tuaj në aplikacion. Kjo do të jetë vendndodhja e gjurmuesit në pikën ku ai është përditësuar për herë të fundit (shih Mënyrat e Gjurmimit, më poshtë), megjithatë, mund të merrni një vendndodhje të përditësuar duke shtypur butonin e rifreskimit. Në mënyrë që të përpiqemi të optimizojmë jetëgjatësinë e baterisë së Smart Tracker-it, ne përdorim teknologjinë për të kuptuar nëse gjurmuesi ka lëvizur apo jo, dhe do të përditësojmë vendndodhjen tuaj vetëm nëse dhe kur gjurmuesi juaj lëviz. Nëse Smart Tracker-i juaj ka ndaluar ose nuk ka lëvizur, ne do ta shfaqim këtë në Aplikacion. Vendndodhja sigurohet duke përdorur një njësi telematike të instaluar në gjurmuesin që merr sinjalet satelitore të Sistemit të Pozicionimit Global (“GPS”). Saktësia GPS e vendndodhjes mund të ndikohet nga faktorë të jashtëm, siç shpjegohet më poshtë në këto kushte. Nëse GPS nuk është i disponueshëm, mund të jeni ende në gjendje të shikoni vendndodhjen e përafërt të Smart Tracker-it tuaj duke përdorur teknologji të tjera gjurmimi (të tilla si celulare, Wi-Fi ose Bluetooth), por kini parasysh se këto nuk do të jenë aq të sakta sa GPS .
   1. Gjurmimi në kohë reale: Gjurmimi në kohë reale është një modalitet gjurmimi i cili, kur zgjidhet, ju lejon të ndiqni Smart Tracker-in tuaj me shpeshtësi më të madhe se mënyrat e tjera të gjurmimit. Gjurmimi në kohë reale mund të përdoret vetëm për një maksimum prej 15 minutash në çdo kohë dhe mund të ndalohet në çdo moment. Pas 15 minutash gjurmimi në kohë reale, Smart Tracker-i juaj do të kthehet në modalitetin tuaj të mëparshëm të gjurmimit.
   2. Zonat: Zonat janë kufijtë virtualë që krijoni rreth një vendndodhjeje të zgjedhur nga ju. Këto mund të konfigurohen dhe ndryshohen në aplikacion. Nëse Smart Tracker-i hyn ose del nga kjo zonë (sipas zgjedhjes suaj), do të merrni një njoftim. Ju lutemi vini re se Zonat përdorin vendndodhjen e gjurmuesit (siç përditësohet nga frekuenca e Modalitetit të Gjurmimit të zgjedhur), për të përcaktuar nëse ai ka dalë apo jo nga një kufi virtual. Kjo do të thotë se çdo njoftim mund të mos pasqyrojë momentin e saktë kur Smart Tracker-i juaj largohet nga ose hyn në një Zonë.
   3. Sinjalizim i shpejtë: Duke shtypur dhe mbajtur të shtypur butonin në Smart Tracker-in tuaj për 3 sekonda, ai do të dërgojë vendndodhjen e tij aktuale në aplikacion. Sinjalizimet e shpejta do të dërgohen si një njoftim automatik dhe mund të aktivizohen në aplikacion nën “Cilësimet e pajisjes”.
   4. Historiku i vendndodhjes: Pasi të filloni të përdorni Smart Tracker-in, do të jeni në gjendje të rishikoni vendndodhjet historike dhe periudhat kohore të regjistruaranë Aplikacion. Periudha kohore historike për “Historikun e vendndodhjeve” mund të ndryshojë herë pas here.
      1. Lundroni/Ndani vendndodhjen: Smart Tracker-i mund të ndajë koordinatat e vendndodhjes së tij me aplikacionet origjinale të hartave të telefonit tuaj (të tilla si Apple Maps ose Google Maps), duke ju lejuar të vizatoni një itinerar deri në këtë pikë. Vendndodhja e Smart Tracker-it mund të ndahet edhe me dikë tjetër. Ju lutemi vini re se koordinatat e Smart Tracker-it do të jenë ato të vendndodhjes së fundit të përditësuar (duke vënë në dukje se frekuenca e përditësimit varet nga modaliteti i gjurmimit). Për më tepër, do të jeni në gjendje të vizatoni një itinerar ose të shikoni një vendndodhje të përbashkët në aplikacionin(et) e hartës origjinale të telefonit tuaj, i cili është një shërbim i palës së tretë. Ju lutemi shihni seksionin 7 (Shërbimet e palëve të treta) për më shumë informacion.
      2. Afërsia dhe Bipi: Kur jeni brenda fushëveprimit të Bluetooth-it të Smart Tracker-it, aplikacioni do t’ju ofrojë një distancë të përafërt, duke treguar se sa larg është Smart Tracker-i juaj. Për ndihmë shtesë në gjetjen e Smart Tracker-it, kur jeni në fushëveprimin e Bluetooth-it, ju mund edhe të përdorni aplikacionin për të kërkuar që gjurmuesi të lëshojë një tingull të shkurtër “bip”. Megjithatë, ju lutemi vini re se kërkesa për “bip” nuk dërgohet me Bluetooth, por varet nga lidhja me dhe mbulimit të vendndodhjes nga Vodafone, kështu që mund të mos jetë e menjëhershme.
      3. Veçoritë shtesë të aplikacionit: Në varësi të llojit specifik të objektit ose artikullit që na keni thënë se po gjurmoni (për shembull - një kafshë shtëpiake), mund të përdorni veçori, shërbime dhe njohuri shtesë të aplikacionit që do t'ju ndihmojnë të merrni maksimumin nga Smart Tracker-i juaj. Këto veçori shtesë do të jenë të aksesueshme vetëm pasi të keni zgjedhur llojin e objektit ose artikullit që po gjurmoni në aplikacion dhe jo të gjitha opsionet shkyçin veçoritë shtesë të aplikacionit. Aty ku disponohen veçori shtesë, këto mund t’ju kërkojnë të futni detaje të mëtejshme rreth artikullit që po gjurmoni, por çdo informacion personal do të përpunohet dhe ruhet në përputhje me Politikën tonë të Privatësisë. Më shumë informacion mbi këto veçori dhe shërbime, duke përfshirë mënyrën se si aksesohen dhe funksionojnë ato, do t’i gjeni në www.vodafone.al dhe në Pyetjet më të Shpeshta të Smart Tracker.
   5. Modaliteti i kursimit të energjisë: Përditësimet e vendndodhjes çdo 2 orë.
   6. Modaliteti i përditshëm: Përditësimet e vendndodhjes çdo 30 minuta.
   7. Modaliteti i Performancës: Përditësimet e vendndodhjes çdo 5 minuta.
   8. Gjurmimi në kohë reale: Përditësimet e vendndodhjes çdo 3-5 sekonda. Ju lutemi vini re se gjurmimi në kohë reale mund të përdoret vetëm për një maksimum prej 15 minutash në çdo kohë dhe do të përfundojë automatikisht pas kësaj periudhe.

Jetëgjatësia e baterisë së Smart Tracker-it varet nga mënyra e zgjedhur e gjurmimit. Sa më të shpeshta përditësimet tuaja në Smart Tracker, aq më shpejt do të ulet jetëgjatësia e baterisë. Në rast se Smart Tracker-i juaj nuk është në gjendje të përditësojë vendndodhjen e tij, aplikacioni do të vazhdojë të tregojë vendndodhjen e fundit të njohur të gjurmuesit.

1. Bateria: Ju do të mund të shikoni jetëgjatësinë e përafërt të baterisë së gjurmuesit tuaj në aplikacion duke përdorur ikonografinë e baterisë. Bateria e Smart Tracker-it mund të zgjasë deri në 5 ditë në modalitetin e përditshëm.
2. Karakteristika të tjera: Ne mund të shtojmë ose heqim shërbime që mund të përdoren nga Smart Tracker-i në çdo kohë. Ne do t'ju tregojmë për çdo ndryshim sa më shpejt që të jetë e mundur (shih seksionin 11 (Variacionet) më poshtë).

1. Kufizimet e Shërbimeve
   1. Ne do t'i ofrojmë Shërbimet me aftësi dhe kujdes të arsyeshëm. Megjithatë, ne nuk garantojmë se ato do të jenë pa gabime. Ju lutemi lexoni seksionin e Shërbimeve të Smart Tracker-it më sipër për të kuptuar se si funksionon secili prej shërbimeve të gjurmuesit tuaj dhe çdo kufizim të lidhur me të.
   2. Ne synojmë t'ju ofrojmë Shërbimet në çdo kohë. Megjithatë, ju pranoni dhe bini dakord që natyra e celularit, GPS-it dhe teknologjive të tjera të përfshira janë të tilla që Shërbimet (ose një pjesë e Shërbimeve) mund të mos jenë të disponueshme në çdo kohë ose në vende të veçanta, dhe Shërbimet mund të ndikohen nga veçori fizike jashtë kontrollit tonë, duke përfshirë mbingarkimin e rrjetit, kushtet e motit, kushtet atmosferike të elektromagnetizmit dhe ndërhyrje të tjera jashtë kontrollit tonë (p.sh. dështimi i rrjetit GPS ose GSM ose për arsye të mirëmbajtjes së shërbimit), ose nëse jeni duke përdorur pajisjen dhe/ose aplikacionin në një vend të mbuluar në mënyrë të pamjaftueshme nga GPS ose rrjetet GSM të Vodafone.
      1. Smart Trackers janë rezistent ndaj pluhurit dhe ujit, pasi janë testuar në kushte të kontrolluara laboratorike me një vlerësim IP67 sipas standardeve IEC. Kjo do të thotë që Smart Tracker-i juaj është rezistent ndaj spërkatjes së ujit; megjithatë, mund të dëmtohet gjatë zhytjes në ujë prej më shumë se 1 metër ose për periudha më të gjata se 30 minuta. Gjithashtu nuk garanton mbrojtje nga zhytja në lëngje të tjera përveç ujit të ëmbël. Ju lutemi vini re se rezistenca mund të ulet me kalimin e kohës gjatë përdorimit normal. Smart Tracker-i juaj duhet të pastrohet me ujë të ëmbëldhe të thahet me një rrobë mikrofibërnëse bie në kontakt me ndonjë gjë tjetër përveç ujit tëëmbël.
      2. Ju pranoni se Smart Tracker-i është krijuar vetëm për t’u përdorur në mënyrat e reklamuara nga ne dhe nuk duhet të përdoret për të gjurmuar njerëzit. Nëse përdoren në ndonjë mënyrë tjetër, disa Shërbime mund të mos jenë të disponueshme ose mund të mos funksionojnë siç duhet. Nëse Smart Tracker-i juaj është dëmtuar, shërbimet mund të mos jenë të disponueshme.
      3. Smart Tracker-i është projektuar për gjurmim në tokë dhe nuk duhet të lidhet/përdoret kur merret në avion. Smart Tracker-i nuk është projektuar për të qenë në përputhje me të gjitha rregulloret rreth përdorimit të pajisjeve të lidhura me bateri në një avion, dhe gjithashtu nuk është projektuar për përdorim në bagazhet e ruajtura në hapësirate avionit. Ju lutemi kontrolloni kufizimet e bagazheve të ofruesve tuaj të udhëtimit përpara se të udhëtoni.
      4. Përdorimi i Smart Tracker-it mund të kërkojë përditësime të firmuerit herë pas here. Këto përditësime të firmuerit janë të detyrueshme dhe, nëse nuk plotësohen, Shërbimet nuk do të jenë të disponueshme ose mund të ndikohen negativisht. Ne do t'ju njoftojmë në aplikacion kur kërkohet një përditësim i detyrueshëm i firmuerit dhe do t'ju ofrojmë çdo udhëzim se si të kryenipërditësimin.

 

1. Përgjegjësitë tuaja kur përdorni Smart Tracker-in
   1. Ju duhet t'i përmbaheni kësaj marrëveshjeje dhe udhëzimeve tona kur përdorni Shërbimet. Ju jeni përgjegjës për këdo që përdor Smart Tracker-in tuaj.
   2. Nëse nuk jeni ju Përdoruesi, ju jeni përgjegjës për të siguruar që Përdoruesi të kuptojë se si të përdorë Smart Tracker-in dhe të jetë i vetëdijshëm për kufizimet e Shërbimit siç përcaktohet në këtë marrëveshje.
   3. Ju jeni përgjegjës për mirëmbajtjen e baterisë së Smart Tracker-it dhe për plotësimin e çdo përditësimi të firmuerit Smart Tracker të njoftuar nga ne në Aplikacion. Ju e pranoni se Shërbimet nuk do të jenë të disponueshme ose mund të ndikohen negativisht nëse Smart Tracker-i nuk ka bateri ose nëse nuk keni kryer një përditësim të firmuerit.
   4. Ju nuk duhet të përdorni Smart Tracker-in ose ndonjë nga Shërbimet për ndonjë qëllim abuziv, të paligjshëm, mashtrues, shqetësues, ngacmues ose për aktivitete kriminale.
      1. Sinjalizimet e shpejta merren me anë të njoftimeve automatike në aplikacionin tuaj dhe në telefonin tuaj inteligjent. Ju jeni përgjegjës për monitorimin e aktivitetit në aplikacionin tuaj. Ne nuk do të monitorojmë asnjë sinjalizim nga Smart Tracker-i dhe nuk do të kemi dijeni nëse një Përdorues është në pritje të ndihmës, ose nëse ndonjë sinjalizim është i rremë ose i vërtetë.
      2. Ju e pranoni se Smart Tracker-i nuk është një shërbim urgjence. Ne nuk do t'ju kontaktojmë ju ose ndonjë kontakt tuajin drejtpërdrejt, ose shërbimet e urgjencës në lidhje me një Sinjalizim të shpejtë.
      3. Shërbimet ju ofrohen për përdorim privat dhe jotregtar. Ju nuk duhet të shisni të gjitha ose ndonjë pjesë të Shërbimeve dhe nuk duhet të modifikoni ose përpiqeni të modifikoni në asnjë mënyrë Smart Tracker-in.
      4. Ju jeni përgjegjës për të na kontaktuar nëse identifikoni një defekt në Smart Tracker-in tuaj ose në aplikacion që ju pengon të përdorni Shërbimet.
      5. Ju jeni përgjegjës për informimin e çdo përdoruesi se ne nuk do të jemi në gjendje t'i ofrojmë Shërbimet nëse pajisja nuk ka bateri ose nuk ka pajtim, si dhe për kufizimet e tjera të përcaktuara në këtë Marrëveshje.
      6. Për t'ju ofruar Shërbimet, do t'ju duhet të aktivizoni disa leje në pajisjen tuaj celulare. Mund të kërkojmë gjithashtu disa informacione rreth jush dhe/ose Përdoruesit (nëse janë të ndryshëm). Ju pranoni të na jepni informacione të vërteta, të sakta dhe të përditësuara dhe merrni përsipër rrezikun që lidhet me ofrimin e çdo informacioni të rremë, të pasaktë ose të vjetëruar. Ne do ta trajtojmë këtë informacion në përputhje me Politikën tonë të Privatësisë.
      7. Nëse nuk jeni Përdoruesi, jeni përgjegjës për të siguruar që Përdoruesi ka dhënë pëlqimin për përdorimin e Smart Tracker-it dhe ka pranuar që Vodafone të gjurmojë vendndodhjen e Smart Tracker-it për qëllimin e ofrimit të Shërbimeve. Ju jeni përgjegjës për informimin e Përdoruesit se ne nuk do të jemi në gjendje t'i ofrojmë Shërbimet nëse Smart Tracker-i nuk ka bateri dhe për kufizimet e tjera të përcaktuara në këtë Marrëveshje. Ju duhet të siguroheni që Përdoruesi pranon që çdo informacion personal i kërkuar të mblidhet dhe përdoret nga Vodafone për qëllimet e Shërbimeve.

 

Ju lutemi vini re se ky seksion zbatohet vetëm deri në masën që Smart Tracker-i, Aplikacioni dhe Shërbimet lejojnë ndërveprimin dhe komunikimin midis shumë individëve. Shërbimet dhe funksionaliteti i disponueshëm për ju (duke përfshirë mundësinë që Kontaktet të ndërveprojnë ose të komunikojnë me Smart Tracker-in, ose anasjelltas) do të jenë vetëm ato të reklamuara. Si i tillë, ky seksion mund të përfshijë informacion mbi funksionalitetin që nuk është ende i disponueshëm, por mund të bëhet i disponueshëm në një datë të mëvonshme. Për sa kohë ky funksionalitet nuk ekziston, ose nuk është reklamuar si ekzistues, ne nuk jemi të detyruar ta lançojmë këtë.

1. Administratori mund të ftojë Kontaktet që të ndërveprojnë me Smart Tracker-in dhe aplikacionin. Administratori është përgjegjës për ftesën e Kontakteve dhe përcaktimin e nivelit të lejeve që mund të kenë ata në aplikacion. Administratori mund të shtojë kontakte vetëm me një numër telefoni celular nga i njëjti shtet [dhe potencialisht në të njëjtin rrjet] si numri celular i përdorur nga Administratori.
2. Kontaktet duhet të jenë të paktën gjashtëmbëdhjetë (16) vjeç, por në rast se ndonjë kontakt është nën moshën 18 vjeç:
   1. Kontakti duhet të jetë fëmija i (ose nën kujdestarinë e) Administratorit; ose
   2. Administratori duhet të ketë marrë lejen e qartë të prindit ose kujdestarit të Kontaktit përpara se ta ftojë; dhe
   3. Administratori do të mbetet përgjegjës për veprimet dhe çdo mospërputhje të Kontaktit sipas kushteve të kësaj marrëveshjeje.
3. Ne do të mbledhim, përdorim, ruajmë ose ndajmë informacionin e Kontakteve për t'ju ofruar Shërbimet në përputhje me Politikën tonë të Privatësisë. Në rast se një administrator fton një kontakt nën moshën gjashtëmbëdhjetë vjeç (në kundërshtim me këto Kushte dheTerma), ne kemi të drejtë të supozojmë se Administratori ka dhënë pëlqimin e tij të qartë (ose ka marrë pëlqimin e qartë të prindit ose kujdestarit të Kontaktit) për përpunimin e të dhënave personale të Kontaktit në përputhje me Politikën tonë të Privatësisë.
4. Për të pranuar një ftesë, Kontaktet do të duhet të shkarkojnë aplikacionin dhe të ndjekin udhëzimet. Nëse Kontaktet e kanë shkarkuar tashmë aplikacionin për një produkt tjetër, ata mund të përdorin të njëjtin aplikacion dhe do të njoftohen për çdo ftesë në pritje.
5. Ftesat do të skadojnë pas një periudhe të caktuar kohe, pas së cilës një Administrator do të duhet të ftojë sërish një Kontakt.
6. Çdo Smart Tracker ka një numër maksimal kontaktesh që mund të ndërveprojnë me pajisjen.
7. Lejet: Në momentin kur Administratori fton Kontaktet të ndërveprojnë me Smart Tracker-in, ata janë në gjendje të zgjedhin lejet e sakta që do të ketë Kontakti.

E rëndësishme: Administratori është i vetmi përgjegjës për sigurimin e nivelit të duhur të lejeve për çdo kontakt dhe e kupton se disa leje, ndër të tjera, do t'i mundësojnë një kontakti të ndërveprojë me Smart Tracker-in, të ketë akses në Shërbimet e pajisjes dhe madje mund t'i lejojë ata të ndryshojnë Mënyrat dhe Zonat e Gjurmimit.

 

1. Shërbime të Palëve të Treta
   1. Smart Tracker-i mund të shfaqë aksesin ose përdorimin e përmbajtjes, promovimeve, faqeve të internetit, aplikacioneve, shërbimeve dhe burimeve të palëve të treta (së bashku “Shërbimet e palëve të treta”) që nuk janë nën kontrollin tonë. Ne i ofrojmë këto lidhje vetëm për lehtësi dhe nuk jemi përgjegjës për produktet, shërbimet ose përmbajtjet e tjera që ofrohen nga Shërbimet e Palëve të Treta. Ju pranoni se çdo shërbim i palëve të treta që përdorni në lidhje me Smart Tracker-in, të tilla si aplikacionet e palëve të treta të aksesuara në ose nëpërmjet aplikacionit, nuk janë pjesë e Shërbimeve dhe nuk kontrollohen nga ne, dhe ju merrni përgjegjësinë dhe merrni përsipër të gjitha rreziqet që lindin nga ndërveprimi juaj ose përdorimi i ndonjë shërbimi të palëve të treta. Ju gjithashtu pranoni se kushtet e kësaj marrëveshjeje dhe Politika e privatësisë nuk zbatohen për asnjë shërbim të palëve të treta. Ju jeni përgjegjës për leximin dhe kuptimin e kushteve dhe termave dhe politikës së privatësisë që zbatohen për përdorimin tuaj të shërbimeve të palëve të treta.
2. Humbja e pajisjes suaj celulare

Nëse Smart Tracker-i juaj ose pajisja celulare në të cilën përdorni aplikacionin vidhet, dëmtohet, shkatërrohet ose humbet, ne nuk jemi të detyruar t'ju japim asnjë rimbursim për çdo pajtim që keni paguar paraprakisht për të përdorur Shërbimet, ose për koston e Smart Tracker-it ose pajisjes tuaj celulare. Duhet të na kontaktoni menjëherë në mënyrë që të parandalojmë aktivitetin e mëtejshëm në llogarinë tuaj të aplikacionit.

1. Lidhja e Shërbimit
   1. Në varësi të mbulimit, Shërbimet janë të disponueshme kur Smart Tracker-i juaj ndodhet në Republikën e Shqipërisë dhe mund të jetë i disponueshëm në vende të tjera, bazuar në mbështetjen teknologjike përkatëse. Lista e vendeve që mbështesin Smart Tracker-in tuaj mund të ndryshojë. Ju lutemi, shihni [Udhëzuesin e tarifave të Smart Tech] për detaje gjithëpërfshirëse të përdorimit jashtë shtetit. Nëse po planifikoni të udhëtoni ose të përdorni Smart Tracker-in jashtë vendit, ju lutemi kontrolloni statusin më të fundit të kësaj liste pasi ajo mund të përditësohet herë pas here.
   2. Edhe nëse jeni në gjendje të lidheni dhe të përdorni Smart Tracker-in në vende që nuk mbështeten zyrtarisht, kjo nuk do të thotë që të gjitha Shërbimet do të jenë të disponueshme për ju në atë vend ose që Shërbimet dhe Smart Tracker-i do të funksionojnë siç synohet. Prandaj ju rekomandojmë që të kontrolloni listën e vendeve përpara se të udhëtoni.
   3. Ju lutemi vini re se qasja dhe përdorimi i aplikacionit në pajisjen tuaj celulare kërkon një lidhje interneti dhe kështu mund të keni kosto roaming në varësi të tarifës së celularit tuaj.

 

1. Pezullimi dhe zgjidhja e Kontratës
   1. Ne mund të pezullojmë, kufizojmë ose ndalojmë ofrimin e Shërbimeve (të gjitha ose një pjesë të tyre) dhe/ose llogarinë tuaj Vodafone Smart Tech në rrethanat e mëposhtme:
      1. Nëse besojmë se Aplikacioni juaj, Smart Tracker-i ose Shërbimet po përdoren në një mënyrë që ne nuk e lejojmë sipas kësaj marrëveshjeje ose në një mënyrë që nuk lejohet sipas termave dhe kushteve të Smart Sim.
      2. Nëse besojmë se llogaria juaj ose pajisja juaj celulare ose Smart Tracker-i juaj është përftuar në një mënyrë të paautorizuar, të paligjshme, të pahijshme ose mashtruese.
      3. Nëse na detyroheni para në lidhje me Pajtimin tuaj dhe nuk e paguani këtë kur duhet të ishte paguar dhe ne nuk jemi në gjendje t'ju tarifojmë për shumën që na detyroheni.
      4. Nëse bëni ndonjë gjë (ose lejoni që të bëhet diçka) që ne mendojmë se mund të dëmtojë ose ndikojë në funksionimin ose sigurinë e rrjetit Vodafone.
      5. Nëse na tregoni se Smart Tracker-i është humbur ose vjedhur.
      6. Nëse ne nuk jemi më në gjendje t'ju ofrojmë Shërbimet.
      7. Nëse ka një ndryshim në ligjin në fuqi, rregulloren ose rregull tjetër detyrues që na pengon t'ju ofrojmë ndonjë Shërbim. Në këto rrethana, ne gjithashtu mund të pezullojmë llogarinë tuaj Vodafone Smart Tech. Ne do të përpiqemi t'ju njoftojmë kur pezullojmë, kufizojmë ose ndërpresimShërbimet tuaja, por nuk jemi të detyruar ta bëjmë këtë.
   2. Përveç të drejtave të anulimit të renditura më sipër, ne mund të ndërpresim ofrimin e Shërbimeve në çdo kohë me një njoftim paraprak 30 dite. Ne do të rimbursojmë çdo pagesë që kemi marrë nga ju (në proporcion me periudhën e Pajtimit tuaj që nuk e keni përdorur) sa më shpejt që të jetë e mundur.
   3. Ju mund të ndaloni përdorimin e Shërbimeve në çdo kohë, por do të jeni përsëri përgjegjës për pagesën e Pajtimit, përveç rastit kur ndërpritet në përputhje me termat dhe kushtet e Smart Sim.
   4. Nëse duhet të ndërpresim Shërbimet për mirëmbajtje ose për shkak të një defekti teknik në rrjetin tonë, ju mund të keni të drejtë për një rimbursim të pjesshëm bazuar në numrin e ditëve që jeni pa Shërbimet tona. Për të marrë një rimbursim të pjesshëm të Pajtimit tuaj, duhet të na raportoni një ndërprerje të rëndë, të cilën ne do ta vlerësojmë përkundrejt historikut tuaj tipik të përdorimit.
   5. Nëse Shërbimet degradohen materialisht për një periudhë të paarsyeshme kohore, ju keni të drejtëtë largoheni nga ne dhe të merrni një rimbursim të çdo tarife të ardhshme të parapaguar . Na kontaktoni për të diskutuar opsionet tuaja.

 

1. Ndryshime
   1. Ne mund të shtojmë shërbime të reja në Smart Tracker dhe të bëjmë ndryshime, të shtojmë ose tërheqim ndonjë prej Shërbimeve në çdo kohë.
   2. Disa shërbime të reja mund t’ju vihen në dispozicion si opsione shtesë që mund të blihen si shtesë e një Pajtimi të vazhdueshëm (“Ndryshime”).
   3. Ne gjithashtu mund të bëjmë përmirësime të mëtejshme në Aplikacion ose Smart Tracker dhe të ndryshojmë ose prezantojmë kushte të reja në këtë marrëveshje në çdo kohë. Nëse është e mundur, ne do t’ju japim një njoftim të arsyeshëm për këto ndryshime. Ndryshimet do të zbatohen kur publikojmë detajet e tyre në një mënyrë që ne e konsiderojmë të arsyeshme, për shembull duke dërguar një njoftim nëpërmjet aplikacionit ose kur bëni një Pajtim të ri ose blini një shërbim shtesë.
   4. Ne mund të ndryshojmë tarifat tona ose të vendosim tarifa të reja. Nëse rrisim tarifat tona, ne do t’ju japim një njoftim paraprak prej 30 ditësh në një mënyrë që ne e konsiderojmë të arsyeshme, për shembull duke dërguar një njoftim në aplikacion dhe/ose në çdo mënyrë tjetër teknologjike që do të ishte e disponueshme në kohën e njoftimit. Nëse besojmë se ndonjë ndryshim në tarifat tona nuk do t’ju dëmtojë, ne mund ta përfshijmë atë pa ju thënë. Çdo ndryshim në pajtimin tuaj do të rregullohet nga termat dhe kushtet e Smart Sim.
   5. Duke vazhduar të përdorni Smart Tracker-in, ju pranoni këto ndryshime. Nëse nuk jeni të kënaqur me ndonjë nga këto ndryshime, nuk keni pse të vazhdoni të blini pajtimin tuaj ose ndonjë shtesë, ose të përdorni Shërbimet.

 

1. Përgjegjësitë dhe Përjashtimet
   1. Ne nuk do të jemi përgjegjës ndaj jush për ndonjë humbje të të ardhurave ose fitimeve, humbje të përdorimit të Shërbimeve, humbje të biznesit, dëmtim të pronës ose humbje të mundësive ose humbje apo dëmtime që: (a) nuk janë shkaktuar drejtpërdrejt nga ne: (b ) të cilat nuk i prisnim në mënyrë të arsyeshme në kohën kur lidhëm këtë marrëveshje: (c) që janë shkaktuar nga dështimi juaj për të përmbushur këtë marrëveshje, termat dhe kushtet e veçanta që zbatohen për Smart Sim ose aplikacionin: ose (d) çdo udhëzim të arsyeshëm që ju jepet në Aplikacion.
   2. Ne nuk do të jemi përgjegjës ndaj jush nëse nuk mund t'i ofrojmë Shërbimet për shkak të diçkaje jashtë kontrollit tonë të arsyeshëm.

 

Ne do të mbledhim, përdorim, ruajmë ose ndajmë informacionin tuaj për t’ju ofruar Shërbimet në përputhje me [Politikën tonë të Privatësisë].

1. Të përgjithshme
   1. Ne mund ta transferojmë këtë marrëveshje te dikush tjetër në çdo kohë, me kusht që kjo të mos ndikojë negativisht në të drejtat tuaja sipas kësaj marrëveshjeje. Nëse dëshironi të transferoni marrëveshjen tuaj me ne, do të mundeni nëse ne jemi dakord. Ne nuk do ta refuzojmë kërkesën në mënyrë të paarsyeshme. Nëse jemi dakord, ne do t'ju trajtojmë sikur e keni pranuar këtë marrëveshje dhe jeni përgjegjës për çdo detyrim që lidhet me të.
   2. Përveç siç thuhet në seksionin 12.4, kjo marrëveshje nuk ka për qëllim të jetë në dobi të dhe nuk do të zbatohet nga asnjë person tjetër përveç jush (si personi që paguan tarifën e pajtimit për Shërbimet) dhe ne.

 

1. Nëse ju nuk arrini ose ne nuk arrijmë të zbatojmë të drejtat sipas kësaj marrëveshjeje, kjo nuk do t’ju pengojë ju ose ne të ndërmarrim veprime të mëtejshme.
2. Ne do t’ju dërgojmë njoftime me postë, postë zanore, tekst, me aplikacion ose me email.
3. Kjo marrëveshje rregullohet nga ligjet e [Shqipërisë]. Ju ose ne mund të ngremë procedime ligjore në një gjykatë në [Shqipëri] për të zgjidhur një mosmarrëveshje sipas kësaj marrëveshjeje.
4. Mund të gjeni informacion shtesë në lidhje me Smart Tracker-in dhe aplikacionin në Pyetjet e shpeshta të Smart Tracker.

 

Çdo problem në lidhje me përdorimin e Smart Tracker-it ose me Aplikacionin me Smart Tracker duhet t’i raportohet ekipit tonë të mbështetjes, i cili do të përpiqet të ndihmojë në zgjidhjen e problemit - ju lutemi na kontaktoni në numrin 140 nga telefoni juaj Vodafone. Përndryshe, mund të na kontaktoni duke përdorur aplikacionin ose www.vodafone.al dhe në rast se nuk jeni dakord me rezultatin e ankesës suaj, mund t’i drejtoheni AKEP-it ose gjykatës kompetente, sipas përcaktimeve të ligjit nr.9918 dhe Kodit të Procedurës Civile.

Na kontaktoni

Nëse keni nevojë të flisni me ne ose keni një ankesë, ju lutemi na kontaktoni:

Nga një numër Vodafone: ju lutemi telefononi 140/149

Posta: Vodafone Albania, Autostrada Tiranë-Durrës, Rruga Pavarësia nr.61, Kashar, Tiranë, Albania or

Faqja e internetit: www. Albania.al dhe email në: ecaresupport.al@vodafone.com