Shëndeti dhe siguria në punë

Të qenit kompani e admiruar nuk ka të bëjë vetëm me performancën dhe arritjet e saj, por edhe me të vepruarit në mënyrë të përgjegjshme, etike dhe ligjore, për të mbrojtur punonjësit tanë, reputacionin dhe asetet e kompanisë. Këtë vit fushata jonë e ndërgjegjësimit Working in The Vodafone Way përqëndrohet në gjashtë fushat e mëposhtme:

Shëndeti dhe siguria në punë, Anti-korrupsioni, Ligji i konkurrencës, Konfidencialiteti, Pronësia intelektuale dhe Siguria 
Rregullat Absolute 
Të gjithë ne (po ashtu dhe furnitorët/kontraktorët tanë) duhet të kuptojmë dhe të zbatojmë Rregullat Absolute të cilat janë elementë thelbësorë të shëndetit dhe sigurisë tonë. Synimi i këtyre rregullave është të përqëndrojë vëmendjen në shkaqet më të shpeshta të aksidenteve që kanë si pasojë humbjen e jetës dhe plagosjet e rënda. Nëse nuk respektohen standardet bazë të shëndetit dhe sigurisë në punë, atëherë kjo rezulton në dëmtime fizike apo edhe humbje të jetës së punonjësve tanë.

Askush nuk duhet të dëmtohet si rezultat i biznesit të Vodafone në cilindo shtet – kjo përfshin punonjësit tanë, furnitorët/kontraktorët tanë, si dhe publikun e gjerë. Ndaj, synimi i Vodafone është të ketë ZERO AKSIDENTE ME PASOJË HUMBJEN E JETËS APO PLAGOSJEN. Ja cilat janë Rregullat Absolute:

Të lidhin gjithnjë rripin e sigurimit kur udhëtojnë apo ngasin automjete.

Të përdorin gjithnjë pajisjet e përshtatshme personale mbajtëse të mbrojtjes dhe sigurisë kur punojnë në lartësi (pajisjet personale mbajtëse duhet të jene të lidhura gjatë gjithë kohës kur punohet në lartësi).

Të mos kryejnë kurrë punime elektrike në pajisje apo qarqe elektrike, nëse nuk janë të kualifikuar për këtë.

Të mos punojnë kurrë nën ndikimin e lëndëve (pije alkoolike apo droga) të paligjshme, të mos tejkalojnë nivelet e lejuara nga ligji të këtyre lëndëve dhe t’i shmangin plotësisht ato kur përdorimi i tyre dëmton aftësinë e individëve për të kryer detyra.

Të mos e tejkalojnë kurrë kufirin e shpejtësisë dhe të mos udhëtojnë kurrë me shpejtësi të cilat janë të rrezikshme për llojin dhe gjendjen e rrugës, apo të automjetit.

Të mos përdorin kurrë aparatë celularë që mbahen në dorë ndërsa janë duke drejtuar një automjet dhe të bëjnë telefonata vetëm pasi të( hapin krahun )dhe të ndalojnë, ose të përdorin aparate që vendosen në vesh duke i lënë duart të lira, kur kushtet e sigurisë e lejojnë.

Përdorimi i duhur i telefonave celularë dhe laptop-it

Si një biznes i Përgjegjshëm,shëndeti dhe mirëqenia e klientëve janë prioritet për kompaninë tonë. Vazhdimisht ju ofrojmë këshilla për mirëqënien dhe kujdesjen ndaj shëndetit, ndaj kemi
kemi prodhuar dy video të cilat japin këshilla të dobishme mbi përdorimin e duhur të telefonave celularë dhe laptop-it. Përdorimi i duhur i telefonave celularë dhe laptop-it për biznes apo argëtim mund të ndikojë pozitivisht në shëndetin tuaj nëse praktikoni:

posturën e duhur
intervale të rregullta kohe për të pushuar gjatë përdorimit të këtyre pajisjeve
vendosjen e saktë të tyre
Shkarko broshurën

Të dyja videot I kemi publikuar në faqen e Vodafone Albania në Facebook dhe You Tube, për t’u dhënë mundësinë edhe klientëve tanë t’i ndjekin këshillat për përdorimin e duhur të telefonave celularë dhe laptop-it.