Vodafone Albania merr aprovimin për bashkimin ligjor me AbCom
Vodafone Albania merr aprovimin për bashkimin ligjor me AbCom5 Janar 2021
Që prej fundit të Dhjetorit 2020, autoritetet shqiptare kanë dhënë aprovimin për bashkimin ligjor me përthithjetë Vodafone Albania dhe Abcom. Ky aprovim, vjen pas blerjes së Abcom nga Vodafone Albania në Shkurt 2020. Vodafone Albania është tashmë një kompani plotësisht e konverguar .
Ky është një lajm shumë i mirë për biznesin dhe tregun shqiptar. Me finalizimin e proçesit të bashkimit ligjor të dy kompanive, Vodafone Albania i ofron klientëve shërbime celulare dhe fikse si edhe një gamë te gjerë shërbimesh e produktesh të reja.
Vodafone Albania planifikon të investojë afërsisht 100 milion Euro për përmirësimin e infrastrukturës fikse me qëllim përmbushjen e nevojave të klientëve në epokën e re ku shërbimi i internetit po zë cdo herë ë më shumë një rol tepër të rëndësishëm
Bashkimi ligjor i Vodafone Albania dhe Abcom pritet të zhvillojë më tej tregun e komunikimeve elektronike dhe të nxisë konkurencën në tregun fiks, duke përmirësuar cilësinë e shërbimeve dhe eksperiencën e klientit.
Vodafone ka qënë në pararojë të sjelljes së përfitimeve nga revolucioni celular dhe dixhital në vend dhe forcë lëvizëse e zhvillimit të industrisë celulare në Shqipëri. Në vitin 2011, Vodafone ishte e para që nisi shërbimet 3G, duke prezantuar për herë të parë në Shqipëri internet me shpejtësi të lartë kundrejt çmimeve të përballueshme. 4 vjet më vonë, Vodafone prezantoi një tjetër inovacion, rrjetin 4G / 4G + , duke revolucionarizuar përvojën e lundrimit të klientëve në internet dhe duke prezantuar një tjetër nivel të përparuar të shpejtësisë dhe cilësisë. Në 2019, Vodafone ishte sërish operatori i pare që kreu testimin e teknologjisë 5G në Shqipëri me një demonstrim live të shpejtësisë 5G dhe mundësive për zhvillim që kjo teknologji do i ofroj tregut në të ardhmen.
Kënaqësia e klientit është fokusi kryesor i Vodafone, prandaj, kompania ka investuar më shumë se 1,998 milion € në Shqipëri duke përfshirë këtu investime në infrastrukturë, spektër, tarifa rregullatore, kanale shpërndarjeje, burime njerëzore etj. Në vitin 2019, Vodafone ishte operatori i parë që bleu frekuencat në 800 MHZ për shumën prej 7.4 mln €. Në vitin 2020, Vodafone hyri në tregun fiks duke blerë Abcom në Shkurt 2020.
Për më shumë informacion rreth Vodafone Albania vizitoni www.vodafone.al
Për më shumë informacion rreth Vodafone Group vizitoni www.vodafone.com