"Shkolla jonë është e ftohtë, e errët dhe e vjetër. Ne duam shumë te shkojmë në një shkollë e cila është e bukur - e cila është ëndrra jonë " - tha një nga fëmijët e shkollës fillore në Theth, vetëm një muaj para se të fillonte viti i ri shkollor. Fondacioni Vodafone Albania ka ndjekur ëndrrën e fëmijëve në Theth, duke bërë të mundur që brenda një muaji të ketë një shkollë të rinovuar plotësisht.
Fshati i Thethit përfaqëson një zonë të vogël gjeografike në veri të Shqipërisë dhe ofron përvojën unike të maleve, fushave dhe kullotave, lumenjve, burimeve, kanionet dhe ujëvarat - të gjitha në një. Përveç peisazheve natyrore dhe trashëgimisë së pasur të kulturës e turizmit, ajo mbetet një nga zonat më të thella të vendit. Thethi është i arritshëm nga 25 km rrugë e pashtruara nga fshati i Bogës dhe është një destinacion shumë i vështirë gjatë dimrit.
Shkolla me dy kate e Thethit është ndërtuar në vitet 80'-të. Ajo është e vendosur në qendër të fshatit. Në gusht të 2016, e gjetëm në kushte shumë të dëshpëruara pa energji elektrike, pa furnizim me ujë, dritare me xhama të thyer, pa mobilje dhe pajisje, dhe pa WC. 28 nxënësit e shkollës të moshës 6-14 vjeç, mblidheshin në të vetmen klasë që mund të përdorej për mësim, nga shtatë klasa që kishte shkolla, Shpesh në të kaluarën, familjet e Thethit detyroheshin të lëviznin në zona më të afërta urbane për të shkolluar fëmijët e tyre.
Me rikonstruksionin e shkollës brenda pak javëve, fëmijët e Thethit gëzojnë tani një shkollë në kushte shumë të mira, të pajisur plotësisht me mobilje, sistem ngrohje, furnizimin me ujë në ndërtesë, si dhe materialet didaktike dhe arsimore. Përveç kësaj, kati i dytë është organizuar për të shërbyer si qendër komunitare arsimore për nxënësit dhe të rinjve të fshatit. Ajo konsiston në një bibliotekë, dy laboratorë të IT, salla e konferencave, si dhe muzeu "shkolla dhe thesaret". Organizata joqeveritare "CODE Partners" është duke zbatuar programin edukativ me aktivitete që kanë për qëllim trajnime të dobishme, profesionale dhe kurse për komunitetin lokal, duke përfshirë shërbimet e turizmit, gastronomi, kujdesin shëndetësor dhe aktivitetet e menaxhimit sportiv, mbrojtjen e mjedisit, historia dhe trashëgimia folklorike. Kontributi I Fondacionit Vodafone Albania për shkollën në Theth nuk përfundon këtu. Ekzistojnë plane të reja për të ardhmen.