Njoftime për Shtyp

Sot, më datë 21 Korrik 2010 Fondacioni Vodafone Albania prezanton Raportin e Vjetor për vitin 2009- 2010 duke vijuar traditen e transparencës dhe raportimit të financimeve, si pjesë e rolit të pergjëgjshmërisë.

 

Fondacioni Vodafone Albania i mbështetur nga Vodafone Albania Sh.A. dhe Fondacioni Vodafone në Mbretërinë e Bashkuar, konfirmon dhënien e shumës prej 15,000,000 lek për t’iu përgjigjur nevojave të njerëzve të prekur nga fatkeqësia natyrore shkaktuar prej përmbytjeve në rajonin e Shkodrës.

 

Sot, më datë 9 Korrik 2009 Fondacioni Vodafone Albania prezanton Raportin e Parë Vjetor për vitin 2008/09. Ky raport ofron një pasqyrë të plotë të investimeve sociale për vitin e shkuar, për periudhën Prill 2008 – Mars 2009, duke regjistruar nder kontributet më të medha që një biznes vendas kryen në fushën sociale.

 

Këtë vit Vodafone Albania zgjodhi që të përcillte urimet më të mira të fundvitit jo si zakonisht përmes kartolinave por përmes financimit ndaj Shtëpisë së Fëmijës në Shkodër.

 

Fondacioni Vodafone Albania në bashkëpunim me Olimpikun Special Shqiptar dhe nën kujdesin e veçantë të Presidentit të Republikës, SH.T.Z Bamir Topi, organizon për herë të parë aktivititein mbarëkombëtar Lojrat Olimpike Speciale në Shqipëri në datat 28-30 Tetor pranë Qendrës Sociale “Don Bosko” në Tiranë.

 

Në përgjigje të situatës emergjente të krijuar nga shpërthimi në fshatin Gërdec në 15 Mars 2008, Fondacioni Vodafone Albania me mbështetjen e Vodafone Albania Sh.A. dhe Vodafone Group Foundation e themeluar nga Vodafone Group Plc, ishte ndër të parët biznese vendase që konfirmoi kontributin në shumën prej 30,000,000 Lekë, në përmbushje të nevojave të komunitetit të prekur nga fatkeqësia e shkaktuar prej shpërthimit në fshatin Gërdec (Vorë).

 

Vetëm tre muaj pas prezantimit publik të Fondacionit Vodafone Albania, me mbështetjen e donatorëve Vodafone Albania Sh.A. dhe Vodafone Group Foundation, konfirmon një kontribut në shumën prej 31.370.907 Lekë (rreth 295.000 Euro) për zbatimin e 7 projekteve dhe prezanton fituesit e konkursit vjetor” Bota e Ndryshimit”- një eksperiencë unike e inovative që synon të promovojë pasionin dhe dedikimin e individit për të sjellë një ndryshim në përgjigje të nevojave sociale të komunitetit ku jeton.

 

Fondacioni Vodafone Albania, me mbështetjen e Vodafone Albania Sh.A. dhe Vodafone Group Foundation, konfirmon kontributin në shumën prej 30,000,000 Lekë, nga e cila vetëm 24,000,000 është ofruar prej Vodafone Albania Sh.A. për t’u përdorur në shërbim të përmbushjes së nevojave të komunitetit të prekur nga fatkeqësia e shkaktuar prej shpërthimit në fshatin Gërdec (Vorë).

 

Fondacioni Vodafone Albania është një ndër të parët fondacione të ngritur nga biznesi në Shqipëri, me qëllim për t’iu përgjigjur më së miri nevojave të komunitetit përmes akordimit të granteve organizatave lokale, shoqërisë civile dhe institucioneve shtetërore.